Fel chi, mae anabledd yn rhywbeth unigol iawn. Ac fel chi, mae gan bobl anabl sgiliau, galluoedd a thalentau y dylid eu cydnabod a'u defnyddio. Felly'r tro nesaf y byddwch yn recriwtio, cofiwch fod amrywiaeth eang o botensial ar gael.

Mae ymgyrch Yn abl i weithio ar gyfer rheolwyr a chyflogwyr sydd am wybod sut y gallent ddefnyddio talent a sgiliau pobl anabl a'r rheini sydd â chyflyrau iechyd hirdymor. Mae gwybodaeth a chymorth ymarferol ar gael i helpu i wneud cyflogi a chadw pobl anabl mor hawdd â phosibl.

Mae gwaith ymchwil gan Sefydliad Siartredig Personél a Datblygu yn dangos bod bron dwy ran o dair o fusnesau'n credu mai meddu ar gronfa amrywiol o dalent sy'n cyfrannu at lwyddiant.

Mae rheolwyr sy'n gadarnhaol am gyflogi pobl anabl yn edrych ar alluoedd a photensial pob unigolyn, p'un a ydynt yn anabl neu fod ganddynt gyflwr iechyd hirdymor ai peidio. Drwy wneud hyn, byddwch yn helpu i feithrin y dalent a fydd o fudd i'ch busnes yn y dyfodol.